ولا كان علي البال

يوم الاربعاء كان يوم رائع بالنسبة لي حيث شهد اعادة اصدار صفحة احنا التلامذة ولكن يا خسارة سكرتارية التحرير تناسوا ان يكتبوا اسمي أعلي الصفحة وطبعا لو حد فيكم اتجنن لامؤخذه واشتري نهضة مصر في هذا اليوم سيعلم اننا لدينا افضل كاست مخرجين في العالم يمكن أفضل من الليموند والتايمزوربما النيوزويك كمان أصل عندنا بيفسدوا أقصد بيجملوا ويوضحوا أي شغل متميز،وبعيد عن السامعين فان صور النهضة من النوع الجذاب جدا يعني بقالي أهو سنة وشوية بحرر الصفحة وكل ما انشر موضوع عن المدارس اكتشف ان هناك صورة وحيدة يصر سكرتارية التحرير علي دمجها مع موضوعاتي، المشكلة ان هذه الصورة عبارة عن فتاة عندها حول وبتضحك معرفش علي ايه كأن كل التلاميذ عندنا في مصر عندهم حول وباين عليهم العبط استغفر الله العظيم يارب