Sunday, December 13, 2009

يا بيئة.. ليست شتيمة




بعد عودتي من كوبنهاجن أصبح لدى وعي واهتمام شديدن بموضوعات البيئة والمناخ لدرجة تجعلني أدعوكم جميعا الى ان تكونوا ايجابيين مع بيئتكم ومجتمعكم ، ببساطة اعتبروا كل حته في مصر بيتكم ، هذه دعوة للنظافة ،صدقوني هذه ليست موجه تعقيد حصلت ليه ممكن تكون صدمة حضارية اعذروني أصل أنا شفت قد أيه الناس هناك نظيفة،وحتى لو في حد منكم بيكره البلد ديه ويعتبرها سبب في اهانة رسولنا الكريم ولكن لا مانع من الاخذ بأساليب التحضر من البلدان الاخرى ،أرجوكم لا تتهاونوا .


ولكي ابدأ بنفسي لقد صورت مجموعة من المشاهد لحرق قمامة وقدمتها الى جهاز شئون البيئة مكتب شكاوي المواطنيين الذى يقبع في المعادي، صدقوني ليست الحكومة متورطة فيها ولكن إحنا اللى متورطين ،هذه الصور في شارع البطل أحمد عبد العزيز المهندسين للاسف بجانب منزل كوبري اكتوبر اللى بيودى ناحيه شارع البطل ومن المضحك المبكي أن من كان يقوم بحرق القمامه كان يحرص على حرقها بالتوازي مع الكوبري حتى لا يلاحظها أحد شوفوا قد أيه المنظر أصبح قيبح بعد أن كان والله في قمة الجمال، ادعوا كل كارهي الجمال أن يقبعوا في بيوتهم ويتركوا الاشخاص الطبيعيين يتمتعوا بالطبيعة والنظافة


 من يرى مشهدا يشوه البيئة بجانب عمله منزله عليه أن يتصل على19808
أو 25256470 أو25256495 هذا هو رقم تليفون مكتب شئون المواطنين
..

8 comments:

المعلم محمد صاحب المطعم - طعمية سخنة said...

احم احم
صباح الخير
ازيك يا داليا
طيب ايه رايك في حرق قش الرز و الاختناق
ده مين يقدر عليه ؟
كويس بس ! ان ده بيحرق بالتوازي كده
و كمية صغيرة

في بلاوي كتييييييير ياما

و علي فكرة الاجهزة الرقابية في التوهان و عن تجربة

Hager Za3bal said...

اولا بقي
حمدالله ع السلامه هلااا هلاااا واشتاقنا ليكم ياما هلااا هلاااا :)))))

انا معاكي في اللي قلتيه .. وهاخد الرقم دلوقتي عشان اكون اول واحد تتصلل تبلغ :)

مقصره في حقك غصب عني والله :$

!!! عارفة ... مش عارف ليه said...

ليس من العيب أن نختلف معهم في جزئية

وأن نأخذ منهم جزء آخر

أرى أن العلاقة معهم ومع أي أحد مناهض لنا

يجب أن تقوم علاقتنا معه على علاقة برجماتية

قائمة على تبادل المنفعة

فإذا كان لديهم ما ليس عندي لا مانع

من أن أتعلمه منهم

وأن أنتهي عن ما يسيء إلى عقيدتي وتقاليدي


تحياتي لإيجابيتك

وليد

dr.lecter said...

المشكله فعلا ان لا مؤاخذه يعني الزباله موجوده جوانا
في تصرفاتنا في ثقافتنا في فكرنا في معاملاتنا مع الناس

يعني شئون البيئه مش هتاعرف تعمل حل

عارفه فيه ناس يبان انهم ولاد ناس وزوات وانا اعرف ناس منهم لما بيمشي في الشارع وانا معاه بيتعمد يرمي الكيس او علبه السجاير او الورقه في الشارع مع ان سله اامهملات كمان خطوتين ومش هيتعب يعني علشان يروحها

مـحـمـد مـفـيـد said...

احييكي علي الايجابيه الرائعه اللي قمتي بيها المبادره المميزه دي بجد

دعوه للجميع بجد

مصطفى ريان said...

حمدلله علىسلامتك يا داليا
بس تفتكرى ان جهاز شئون البيئه ممكن يهتم ؟

صوت من مصر said...

عارفه دى مصر والعالم كله كده برضه

mahmoud said...

كل واحد يبدأ بنفسه يعني لو معاك منديل مترميهوش في الارض هي حاجة بسيطة بس برضو مشاركة