Tuesday, April 28, 2009

نور رباني



كنت قد عقدت النية أن أكتب موضوعا بعنوان "عيد ميلاد جرحي أنا"على أن أنشره مع حلول شهر مايو وذلك لعرض تجربة مريرة تعرضت لها وظلت محفورة في ذاكرتي لمدة سنة كاملة.

ولكنني بعد تفكير رأيت ان اكتب موضوع آخر احكي فيها عن انتهاء مرحلة صعبة من المعاناه والام .


وجدت ان هذا افضل جدا، فقد تأملت حالي لوهلة وتحاورت حوارا صادقا مع نفسى واكتشفت وجود فيلسوف داخلي يقول لي في تعقل وحزم وهدوء رصين: يا بنت يا داليا ان الالم الذى نتعمد الا ننساه يظل يتضخم ويكبر ليصبح في حجم رجل عملاق قادر على تحطيم حياتنا ويستطيع بكل سهولة ان يحجب ضوء الشمس عن عيوننا ، واذا ظل الانسان على هذا العمي فانه مثل الجاهل الذى يعبد الاصنام رغم سطوع النور الالهي في كل مكان حوله .

وعلى الفور استيقظت روح الارادة داخلي وكنت مع كل صنم احطمه اقول في قوة لن اقدس اصنام صنعتها بيدي مرة اخرى فتتحرر نفسي من قيودي وعلاتي و يخترق ثقب من نور روحي وسرعان ما يتحول الى حزم ضوئية نافذة ساخنه كحرارة الشمس في الايام الصيفية تذيب ما بقى من جمود وتقضى على بكتريا الحزن والالم فاتنفس لاجد هواء منعشا يدخل الى روحي لاول مرة منذ شهور عديدة.

سبب ذلك :انه لسوء حظي فقد واكبت التجربة المريرة حلول عيد ميلادى الذى يوافق 28 مايو وعندما اخذ شبح الذكريات القبيحة يطل أخذت دون أن أدري أردد بدون وعي أغنية كنت بحبها وأنا في الثانوي لهاني شاكر وكنت بقولها وأنا في غاية التأثر مثله تماما "عيد ميلاااااااااد جرحي أنااااا" .

الاغنية كانت جميلة جدا بس لم أكن اتذكر غير هذا الكوبليه ده –على فكره عمرى ما حفظت أغنية كاملة على بعضيها كنت بحفظ بس الجملة اللى بتتكرر بس لاني مش غاوية أغاني:)ولما استيقظ روح الفيلسوف بداخلي لجم لساني وقررت الا ارددها بل احولها الى عيد ميلااااااااد فرحي أنااااا أغنيه كانت ألحانها مزيج من ثقة وأمل في سعادة قادمة لا محالة..

.

39 comments:

Sweet Violet said...

عجبنى قوووى الفليسوفك الداخلى

ممكن اخده منك سلف

(:

الدنيا عمرها مابتقف على حال

و زى مافيها المر فيها الحلو

يبقى الاحق اننا نحتفل بالحلو و المر ناخد منه الدرس و نركنه فى الذكريات

الحمدلله ان الفترة الصعبه انتهت

يارب دايما كده الفليسوف ده صاحى جواك .. يبعث فيك الامل و الحكمة

(:

romansy said...

الحمد لله
انك قدرتى تحولى الياس الموجود فى حياتك الى جزء مليان بالفرح
حتى لو جزء بسيط
بس كويس جدا انك حتى بتحالولى تكونى متفائله ربنا يسعدك
وكل سنه وانتى طيبه
28/5
دا هيبقى يوم سعيد على الدنيا كلها

ABOALI said...

يااااااااااااه
عيد ميلادك متوافق مع ميلاد السيد الرئيس المبارك فى شهر مايو

يااااااااااا شيخة وحزينه
اتقى الله يا داليا وخليكى متفائلة
انتى كبييييييييييييرة ورائعة


كم تتضأل الدنيا امام الكبار
فانظرى فى نفسك تجدى عظيما" يحتاج من يزيل من عليه الستار


تحياتى

dr.lecter said...

عجبني تعليق ابو علي اللي فوقي


اللحظات السعيده قليله في حياتنا

ياريت نعرف نستغلها كويس

حتي لو كانت قصيرلاه علشان تخليها عالقه في دماغنا

شهرزاد said...

ربنا ينور أيامك دائما
حقيقة انك إنسانة جميلة
بتحطيمك للأصنام التي تقيدنا وتجعلنا أسرى لها
كاصنام الحزن والخوف والقلق
فالحياة أقدس من همومها
وأجمل من أن نقبحها بحزننا وخوفنا
والسعادة لا نشعر بها إلا عندما نفقدها

أرق تحياتي

dalia said...

شكرا ليكي يا ضد التيار
حقيقي اشتاقتلك جدا وكلماتك دايما بتعطيني دفعة الى الامام اما بالنسبة الى الفيلسوف الداخلي طبعا ممكن تأخذيه سلف :)
شكرا مرة تانية تحياتي الرقيقة لك

dalia said...

رومانسي
الحمد لله على كل شيئ شكرا على الكلمات الحلوه وانت طيب وصحة وسلام
تحياتي ودمت بألف خير

dalia said...

أبو على

شكرا بجد على الكلمات الجميلة انا مستهلش كل ده

تحياتي الراقية

dalia said...

dr.lecter

شكرا على الزيارة حقيقي نورت مدونتي طبعا بتفق معاك ان اللحظات السعيده في حياتنا قليلة بس اكيد لو ظلت ذاكرتنا معلقه بيها مش ممكن نضايق او نحزن
شكرا ليك واتمنى ان يدوم التواصل
تحياتي

dalia said...

شهرزاد الجميلة
كم اشتاق اليك حقيقي بسعد جدا بتعليقاتك لانها تضفي جو من الرقه على مدونتي
شكرا على الكمات الحلوه الرقيقة ويارب ينور ايامك ويسعدك انا سعيده ان فكرتي كانت واضحة ليكي بان الاحزان ما هي الا اصنام يصنعها الواحد ويظل يعبدها الافضل ان نحطم اصنام القلق والخوف لكي نعيش حياة جميلة تكون طوق للنجاه لنا في الاخره لان الانسان المتفائل هو الذى يستطيع أن يعمل ويكد في هذه الحياه على احسن وجه ادعو الله ان يجعلنا من الفائزين في الدنيا والاخرة ،عارفه يا شهرزاد انا بحب ادعي بدعاء " يارب اجعل لي في الدنيا حسنة وفي الاخرة حسنة قني عذاب النار
تحياتي وارجو الا تغيبي مستنياكي في بوست جديد

شمس النهار said...

مش عارفه اقول لك ايه
بس ناس كتير حصل لهم اللي حصلك في يوم من الايام
بس مش كتير اللي فاقوا كده
ومش كتير اللي حولوا طاقة الحزن والالم من الجرح لطاقه ايجابيه وحققوا حاجات جميله جدا فيحياتهم
اعتقد اجمل من اللي سبب لهم الجرح

الازهرى said...

ان الالم الذى نتعمد الا ننساه يظل يتضخم ويكبر ليصبح في حجم رجل عملاق قادر على تحطيم حياتنا

صدقينى ليس كل الاصنام فى داخلنا قابلة للتحطيم
بل منها ما يكون وقدا دافعا لنا نحو الامام ومزيدا من النجاح

وهذا ايضا عن تجربة قاربت الخمس سنوات من عمرى

الربان said...

تحياتي يا داليا

حقيقي عجبني جدا قوة الارادة التي من خلالها يمكن لنا ان نجتاز الالم عبر جسر الامل....

الاستغراق في الحزن لن يجدي...و أعجبني قول الامام الشعراوي حين قال فيما معناه...ان الحزن يفتح بوابة الاحزان علي مصراعيها...فالافضل ان نغلقها.

التجارب الانسانية معرضة للنجاح او الفشل...و لا يجب ان نتوقف كثيرا عند اي فشل او ذكري غير ساره...بل يجب ان نمضي في الحياة متسلحين بخبراتنا من التجارب السابقة.

ان شاء نحتفي بعيد ميلادك...و نهنئك به
وانت في أسعد حال........

تحياتي و تقديري

كيــــــــــــارا said...

دالياااااااااااااا

وحشتييييييييييييييييييني اوووووووووووووي

بوست بجد هايل

فعلا لازم نبص للمنظور المضي وليس المظلم

اتي بوثه بقي اممممممممموه

انا حرة said...

بوست جميل بجد يا داليا..انا مبسوطة اوى لانك وصلتى للفكرة دى و حسيتى بالرضا الداخلى دا..انا عارفة انه احلى احساس فى الدنيا..احساس غريب بالنقاء و الهدوء بيخلى كل مشاكل الدنيا تبان تافهة اوى و مش مستاهلة..يا رب اعرف ارجعله تانى :)

karim said...

كلامك واقعى وحساس واعتقد مررنا بة جميعا, تحياتى

micheal said...

حلوة طريقة تفكيرك في الموضوع دي وجديدة
:)
أتمني لكي السعادة وعام جديد موفق تحققي فيه أحلامك
تحياتي

شجر الليمون said...

السلام عليكم
عادة يا سيدتي هناك وهم صنعناه ونعيشه وهو كلمة تجربة فاشلة
اعلمي يا عزيزتي أن اي تجربة في حياتك مهما كانت مأساتها فهي تجربة ناجحة وهكذا تولد الخبرات


حتي اسألي الفيلسوف الدخلي كدة
هههه

شكرا لمرورك الكريم علي صفحات مدونتي
واهلا بك صديقة جديدة هناك

شجر الليمون said...

يا تري ممكن تعليق علي الجدي في المدونة لأصحاب المدونة الجداد

dalia said...

شمس النهار
انا مبسوطه انك مستوعبه الفكره كويس وعندك قابلية لكي تري بعين كلها تفاؤل وامل
شكرا على مرورك دايما منورة مدونتي واعذري تقصيري

dalia said...

الازهري أهلا بك دوما
الانسان في رأيي يجب الا يقدس أى ذكرى في حياته كانت تجره الى الخلف واذا كانت هناك ذكرى سعيدة فاهلا بها ومرحبا لان اللحظات السعيدة دوما تعطي للانسان الامل وتدفعه الى الامام وهذا ما قصدته في الموضوع وحرصت أن انوه الى امكانية تحويل أى لحظة حزن في حياتنا الى لحظة جميلة
ارجو ان اكون افدت
شكرا على مرورك

dalia said...

الربان
تحياتي لك حقيقي عجبت بتعليقك جدا ويسعدني ان الفكرة وصلتلك كما اعجبني قول الشعرواي رحمه الله شكرا لك على الكلمات الحلوه

dalia said...

كياراااا انت فين يا كيارااا
وانت كمان والله خلاص بقه اشتهرنا واللي كان كان :)
تحياتي يا قمر

كيــــــــــــارا said...

انا هنا يابت ياداليا

اشتهرنا ايه بس

كيارا هيا كيارا

لا تغير ولا تعديل

dalia said...

أنا حرة
بجد مفتقداكي جدا لدرجة اني فكرت أكلم كباري علشان اتصل بيكي واقنعك بانك ترجعى لمدونتك تاني تكتبي وتشاركينا أفكارك واحلامك صدقيني مدونتك من المدونات الجميلة فلا تتوقفي عن التدوين
تراجعت في آخر لحظة علشان خوفت تكوني بتكرهي المتطفلين على حياتك اعمل ايه بقه ما انت اللى كتبتي النصف الوحش فيكي ومردتيش تكتبي النصف الحلو
يلا بلاش دلع مستنياكي في بوست جديد يا فلة انت عارفه ساعات بقول اني ممكن اشوفك في كلية سياسة واقتصاد في احدي الندوات علشان نتعرف بجد
تحياتي وشكرا على مرورك الذى يضيف الي حتما الكثير والكثير مرة تاني لا تغيبي

شهرزاد said...
This comment has been removed by a blog administrator.
dalia said...

كريم
شكرا علىمرورك حقيقي منور مدونتي
تحياتي واتمنى ان يدوم التواصل

dalia said...

ميشيل
مرحبا بك في مدونتي ومبسوطه انك فهمت الفكره كويس
تحياتي

dalia said...
This comment has been removed by the author.
dalia said...

شجر الليمون
شكرا على رد الزيارة منور مدونتي وشكرا ايضا على النصائح الغالية
تحياتي

dalia said...

كيارا الشقية
اخيرا ظهرت يا عفريته شويه تختفي وشويه تظهري بص اهم حاجه في الموضوع انك بتظهري في احسن صورة شكرا يا قمر لا تغيبي

كيــــــــــــارا said...

ايون ايون بظهر اومال ايه

انا اقدر اغيب عن القمر :)

شجر الليمون said...

السلام عليكم
أنا هنا لوداعكم
شكرا لتواجدكم علي صفحات مدونتي

hamada said...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية “رواية سنوية سنقوم بنشرها في الجريدة”
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
أرجوا إرسال مواضيعكم لأختيار الأفضل لنشره العدد القادم
أرجوا ارفاق الاعمال في ملف ورود
لمزيد من المعلومات بادروا بالاشتراك في الجروب الرسمي للجريدة
http://www.facebook.com/inbox/readmessage.php?t=1069922064069&f=1&e=-12#/group.php?gid=78080770039

قلم رصاص said...

احييكي على المدونة

ولنا عوده للقراءة والتأمل

مزيد من التوفيق

في حفظ الله

قلم رصاص

hamada said...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
4/ المقال الصحفي
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/group.php?gid=45202724108#/group.php?gid=78080770039

قلم رصاص said...

نشكر حضرتك على التعليق في مدونتي

في حفظ الله

شمس النهار said...

يانهار ابض يادليا
اروح واغيب واجي ازورك الاقي الجرح لسه مفتوح :) في ايه ياكسلانه
فين البوست الجديد
كل مره اطلع من غير مااسيب تعليق المره دي قلت مابدهاش بقا
اسيب انذار عوديييييييي ياداليا

القمر الساهر said...

من ردك في مدونتي علمت انك انسانه مثقفة واعية

وعند دخولي مدونتك تاكد انك صاحبة عقل راجح

هاقولك مقولة انا بحاول اعمل بيها

لا تندم على ماض ولا تخاف من مستقبل

كتير مننا بيعقد ينعكش في كراكيب الماضي ويطلع كل اللي بيجرحه وينزل دمعته .. طيب ليه ندور ونجرى ورى الهم هو احنا ناقصين

وفي كتير مننا بيضيع حياته في خوف من حاضر .. طيب وليه نخاف من شيء مش معلوم وبيد الرحمن

سعيدة انك خرجتى من المك

وان شاءالله ذكرياتك تكون سعيدة

تقبلي مروري