Monday, April 13, 2009

تناقضان



موقفان لا يمكن نسيانهم حدثا هذا الاسبوع في الجامعات المصرية الاول أسعدني كثيرا والاخر أحزنني الى أقصى حد ،فرحت جدا بلقاء رئيس جامعة القاهرة بطلاب المعارضة من مختلف التيارات السياسية في جو ودي وديقراطي وفجعت من تعرض طلاب جامعة الفيوم لضرب البلطجية بالجامعة الامر الذى اسفر عنه جراح وسحل ودماء نتيجة استخدام العنف ضد الطلاب الناشطين سياسيا.


الحدث الاول دليل على استيعاب جامعة القاهرة لطلابها وسعة صدرها للاستماع الى أصوات شابه على قدر كبير من الثقافة والادب في الحوار، والحدث الثاني دليل على العنف والمنطق الامنى في التعامل مع المعارضين للنظام.

*-*-*-*-*-*-*-*-*-*-*-

موقفان داخل نفسي يحيراني جدا الحب والكراهية فهما عندي وجهان لعملة واحدة !

*-*-*-*-*-*-*-*-*-*-*

جريمتان اذا ارتكبهما شخص ما فانه يفقد احترامي له الى الابد الكذب والخداع.

-*-*-*-*-*-*-*-*-*

صفتان يسببان لي الغيظ الشديد الخوض مع الخائضين وعدم وضع الاعذار للاصدقاء في حالة اعترافهم بالتقصير.

*-*-*-*-*-*-*-*-*-*

19 comments:

ABOALI said...

هيييييييييييييييه
اول تعليق
حجز على اللى وحشاااااااانا بجد

ABOALI said...

اولا دائما لك رؤيه ثاقبه فى مواضعيك فلك التحية
ثانيا
الانسان يا سيدتى فيه كل العجب العجاب
فينا كل شيىء
ولكن هناك شيىء يسود
فاءن كان السائد هو الاصح والجميل
اذن من امامنا ناءخذه كما هو كوكتيل واحد
وان كان العكس فله علينا حق التعليم والايضاح مع سعة الصدر

تذكرى يا داليا
كيف سامح خير الخلق من قتل سيدنا حمزة اسد الله
وكيف كان يعرض عن رؤية وجه من قتله ولكنه سامح وعفا
حتى يعطينا القدوة
ان كاظم الغيظ سيدتى اذا كظم غيظه مع المقدرة دخل من اى باب فى الجنة


لذا الانسان ذلك اللغز المحير سيبقى به كل المتناقضات
ولكن نحتاج الى استعياب بعضنا البعض
رغم كل شيىء


تحياتى الراقيه يا راقيه

dalia said...

أبو علي
شكرا لك فاجأني تعلقيك السريع ولكنه كالعادة في الصميم اعذرني مقصره معاك بس صدقني متبعاك كويس جدا
اصدقك القول ان الانسان فيه أشياء تحير ولكن لا اعلم كيف يمكن ان يكون الانسان كوكتيل متناقض هذا شيئ يزعجني قبل ان يزعج غيري ممكن توضح؟

ABOALI said...

داليا الجميلة

الانسان يحمل الكثير والكثير

هو نفسه الذى يحب وهو هو الذى يخون من يحب
هو هو من يتفوق وهو من يرسب وهو من يكتب الكلمات وهو الذى لا يلقى اليها بالا"

نحن قطعة من خلق الله نفخ فيها من روحه والهمنا النفس التى تحمل كل الصور
فمنا اللوامه
ومنها التى ترضى ومنها التى تظلم

احيانا نحتاج الى الكذب ونكون سعداء به
واحيانا نحتاج الى الصدق ونكون سعداء به
كم من حواء كذبت فى سنها الحقيقى
وكم من حواء تمنت ان تكون صادقة فى حبها


احنا كده يا داليا
فينا كل العبر
خدى منا الحلو
وسيبى الباقى
ربناامر بالستر يا قمر

اشكرك

كريم بهي said...

داليــــا العزيزة

اولا اتمنى ان تكوني بخير وهناء وسعادة
والا تنقصمنك التناقضات من حماسك شئ

لكن انا تقريبا ليا رأي مخالف شوية
لانى مش شايف ان فيه تناقضات ولا احاجة
تقريبا سياسة الجامعات فى التعامل مع الطلاب واحدة فى كل الجامعات ربما تختلف قليلا او شكلا او موضوعا انما فى النهاية هناك حدود كبيرة للحرية وحديد وسجان ويمكن كمان جلاد
الفرق بس
ان دي جامعة القاهرة يعنى العين عليها
والصحافة عندهم بنت ؟؟؟؟؟ يعنى مش هتسيبهم فى حالهم والميديا مركذه هناك
وحاجات كثير ميحبوش الدخول ليها ولا فيها

اما جامعة الفيوم اكيد مؤكد ان الميديا والعيون اقل بكثير من القاهرة

تعرفى انا بقول كدا ليه
مرة فى السنة اللى فاتت
ايام المظاهرات بتاع الاخوان عشان حماس ومشاكلها مع فتح كانت العملية شديدة والسجان كان بردو اشد مسابوش حد منهم وفصلوا تقريبا معظمهم وسمعنا انو كان في اعتقالات وما الي ذلك

لكن بعدها لما جه بعض الصحفين يصورا وتقريبا كان في قناة فضائية بتصور دا
فوجئت برئيس الجامعة نازل ومشى وسط الطلبة وكان هيتف معاهم كمان

العملية واحدة
التناقض الوحيد هو ان الابيض عكس الاسود
والضوء عكس الظلمة

تحياتى
متبقييييش تنسينى كدا
افتكرنى مرة

شهرزاد said...

داليا الجميلة
التناقض في النفس البشرية
قد يكون ناجما عن مدى صدقنا مع انفسنا
ففي اللحظة التي لا نكون فيها صادقين مع أنفسنا فستختلط علينا المشاعر
وسنشعر بفجوة ما بين رغبتنا وقناعتنا الحقيقة بالأشياء
ولن نستطيع في تلك الفترة التمييز ما بين رغبتنا في الأمر أو عدم رغبتنا فيه
أو بين حبنا وبغضنا
أو بين رضانا وسخطنا
وهذا مجرد تحليل شخصي
يحتمل الصواب والخطأ)
لما يمر بي في لحظات معينة أشعر فيها بالتناقض في نفسي
(

أرق التحيات إليك
أرجو لك كل السعادة والتوفيق

dalia said...

أبو علي
شكرا على التوضيح فعلا ان فهم طبيعة الانسان ليست بالسهولة التى نتخيلها يعني انا مثلا كنت امبارح في مؤتمر بكلية دار العلوم بجامعة القاهرة عن الانسان تصدق مجموعة كبيرة جدا من العلماء بقسم الفلسفة الاسلامية بيحاولوا يحللوا قضية الانسان وبيعتبروها من أهم القضايا في العصر الحديث
وبيطالبوا بعمل مجموعة كبيرة من البحوث والدراسات لفهمها بشكل كامل ربنا يعنهم
تحياتي ليك على فكرة المؤتمر لسه شغال لغاية بكره لو حابب تعرف اكثر عن الانسان

dalia said...

كريـــم

ازيك يا كريم معلش الواحد مقصر معاك شويه بس سامحني المهنة من اصعب ما يمكن انا بحاول اعمل حاجه في حياتي غير الشغل مش عارفه ،بجد انت لك نظرة صائبة جدا في موضوع الجامعتين فعلا جامعة القاهرة عليها العين اما الفيوم فبعيده وطبعا الكاميرا التليفزيونية لها بريقها اسألني أنا
تحياتي ليك

dalia said...

شهرزاد الجميلة
انا مبسوطه قوي بتعليقك كأنك بتحللى وضعي بالضبط يا قمر شكرا ليكي فعلا احيانا الواحد بيهرب من نفسه ويتعمد ان يكون غير صادق معها كأن يتجاهل أشياء معينه داخل نفسه رغم سطوعها شيئ واحيانا بيحدث العكس النفس بتكون عايزه تمشى الواحد على كيفها تريد ان تتحكم وتقود وهنا قد يحدث التناقض أيضا عزيزتي أشكر لكي حضورك واضافت نسمات رقيقة على المدونة
لكي التحية والحب

الربان said...

تحياتي

الموقف الاول كان لابد ان يحدث من زمان..اعني ان الجامعة( وتمعني في اسمها فهي جامعة لكل شيء من خير وشر..من علماء و سفهاء...من مؤيد ومعارض)...

اقول لو حدث ان الجامعات كانت قدوة...
و احتوت ابنائها اي الطلبة عن طريق الحوار و الحرية في ابداء الرأي...و استمعت الي امالهم و طموحاتهم لتقلص فكر الارهاب...و لتم اعداد اجيال واعية قادرة علي التفكير الابداعي...
ولكن للاسف كان يسود الجامعة فكر واحد
هو فكر الحزب الحاكم ....
الخوض مع الخائضين...و خاصة من يخوض في اعراض الناس...و يل ثم ويل لهم ويل لمن
يأكل لحم اخيه ميتا....

تحياتي و تقديري

ابو المفاصل الواصل said...

الصعاب كلها تهـــــــــــون ولا يهون التصعيــــب
فقسوة الحياة فى حاجة الى حنــــــــــــية وترطيب
وتعقيد الامــــور قمة الجور والتعــــــنت والترهيب
فيا معقداتى بلاش شـــــــغل القراداتى الغريــــــــب
والباس الحق ثوب الباطل والباطل ثوب الحق الحبيب
بما يقلص الفرحة ويكــــــــتر من البكاء والنحيــــــب
فعد الى عقلك واسلك حســـــن المسلك تجد الترحيب
وبادل الناس حبا بحب بالرغبة الطيبة والترغيـــــــــب

صوت من مصر said...

دى اخبار على السريع بس هى دى مصر يا عبله

Sweet Violet said...

موقف جامعه القاهره و الفيوم

فعلا فى تناقض جااامد جدا فى التعامل مع الوضع

لكن هنا هيبقى السؤال طلاب جامعه الفيوم اتعاملوا ازاى مع الموقف نفسه

لان ممكن يكونوا فعلا ماكنش ينفع معاهم غير العنف

انا مش بعطى مبرر للموقف لكن فى بعض الاشخاص فعلا بيجبروا اللى قدامهم على استخدام العنف

و ده بيبقى راجع طبعا للتعصب و انعدام ثقافه الرأى و الرأى الاخر

اما الحب و الكراهيه فاانا اختلف معاكى فيهم

لان اللى بيدخل قلبه الحب صعب يكره و اللى بيدخل فى قلبه الكره من الصعب يحب

صفه الكذب و الخداع ماعتقدش ان فيهم تناقض بل بالعكس هى محطات على خط واحد

الخوض مع الخائضين و عدم وضع الاعذار مش عارفة ليه مش معاك ان كلمة الاصدقاء تيجى معاهم

لان الصديق الحقيقي مش هيسمح انه يتكلم على صديقه

غير انه دايما متحمل صديقه و بيلتمس ليه الاعذار

*****
بخصوص التعليق بتاعك فى المدونة

توضيح بسيط لان الموضوع اختلط عليك

هى انسانة فى منزلت امى لكن امى عايشة الحمدلله

حبيت اوضح

و اشكرك على تعليقك

و بعتذر على تقصيرى معاك

بس فعلا الفترة اللى فاتت انا كنت شبه منقطعة

تحياتى

(:

dalia said...

الربان
تحياتي لتعليقاتك المميزة دوما

dalia said...

ابو المفاصل الواصل

شكرا على الكلمات الحلوة

دمت بالف خير

dalia said...

صوت من مصر

شكرا على زيارتك بس انا متأكده ان مصر حتتغير صدقني
تحياتي

dalia said...

أهلا يا ضد التيار والله لك وحشه
اعذريني انا ايضا مقصرة معاك بس الحمد لله ان والدتك بخير ربنا يعطيها طول العمر ويخلهالك بصحة وعافية وتزول كل الامك
ربنا يكرمك
تحياتي الراقية

hager za3bal said...

موقفان داخل نفسي يحيراني جدا الحب والكراهية فهما عندي وجهان لعملة واحدة !

*-*-*-*-*-*-*-*-*-*-*

جريمتان اذا ارتكبهما شخص ما فانه يفقد احترامي له الى الابد الكذب والخداع.

-*-*-*-*-*-*-*-*-*

عارفه يا داليا
انا زمان كنت بقول اللي يدخل قلبه الحب صعب يكره, بس فعلا الايام اثبتت لي ان كلامك صح وانهم فعلا وجهان لعمله واحده ..

بالنسبه للجريمتين فانا اعتقد ان اللي يكدب سهل يخون وسهل يعمل اي حاجه لانه بيبقي قفد مبادئه ..

بالنسبه لموقف الجامعات فـ هو ده حال مصر يا داليا للأسف :(

ودايما النفس البشريه بتحمل بين طياتها تناقضات وتركيبات صعبة التحليل !

عجبني البوست اوي يا داليا
معلش مقصره معاكي بس والله غصب عني عشان الامتحانات بقي
ادعيلي

تحياتي

dalia said...

هاجر الجميلة
ولا يهمك يا قمر انت دايما على البال واكيد القلوب عند بعضها بس انا عجبني تعليقك قوي انت طمنتيني على نفسي انت عارفه انا سعات كنت بستعجب من مشاعر الحب والكراهية لنفس الشخص بس لاننا اصبحنا في زمن العجائب
أشكرك على تعليقاتك التى تروقني دائما وعايزنك ترفعي من راسنا في الامتحانات ربنا معك