Tuesday, November 25, 2008

غزة نبض العزه


في غزة
غراب ينعق في المخيم
يلعق لحاء شجر الدم
و حمامة نوح على السارية
ميتة
والسفينة تتحطم
تغرق على مشارف الشاطيء
قطعان من الذئاب تطارد خراف المسيح
و الراعي ينام في سرير عاهرة
ماذا بقي للموت حتى ينزح عن غزة؟

من كلمات منير مزيد

14 comments:

SHAPE YOUR LIFE (ABOALI) said...

بلاش
تفتحى الجرح
الجرح موجوع
والالم على الرايات مرفوع
والبكاء والدموع ملئت كل الربوع
واحنا فى البحر تايهين
وغريبه ان بيقولوا راجعين
يمكن
بس بعد سنين
نشوف حلم انى فى لسه بنى ادمين
فى وسطنا عايشين
بلاش
تفتحى الجرح
الجرح مش طاهر
والبتر عنوان ظاهر
واكيد احنا عارفين


لك الله يا ارض الاقصى

لحظة تأمل said...

مازال هناك طفل دقات قلبه تدق بضعف
ولكن يداه ممسكة بالحجارة

فلن تموت غزة .. بل نحن الواقفون نشاهد من ماتت قلوبنا

sherif gharib said...

اعذرينى لست من هواه الشعارات كم من الاقلام نادت و كم من الصرخات ذبحت حتى الاهات بداخلها و لا احد ينادى
اصبحت المواقف مجرد رقصه ثمله على سلم متحرك اعوج
و لهذا قررت اما ان افعل كما فعل الطفل الشهيد و امسك بيده الحجاره
و اما ان التزم الصمت فهو خيرا
الجرح اصبح كالعاده
و لكن العاده ملل و الملل يصيبنا جميعا
احترم جدا شعورك
و لكن لن يفيد من اغتصب ان تقذف ايدينا معه بالتراب على رؤوسنا
تحياتى

mahasen saber said...

ربنا يفك ازمة غزه على خير
مع انى اعتقد ان قدامها عقود وعقود من الزمن عشان تبتدى ازمتها تتحل وتشوف النور

شاكره زيارتك الجميله لمدونتى
وعجبنى فى مدونتك يا داليا التخصص جميله قوى ان يبقى فيه مدونه خاصه بمجال مهم وحيوى زى التعليم

كمان مره شاكره الزياره الكريمه

Kiara said...

ربنا معاهم يااااااااااااااارب

مش عارفه ليه مش عندي امل المره دي

ربنا يسترها معاهم

Yasmine said...

والله ما بقيت عارفة هى فلسطين دى مشكلة مين؟
الاغبيا اللى مولعين فى بعض على حساب شعب لا حول له ولا قوة
ولا الاغبى منهم اللى فقدوا انسانيتهم و رافضين يقدموا اى مساعدة لناس عايشة فى ماساة حقيقية ربنا وحده اللى عالم اخرتها اي
ولا المتخلفين اللى شغالين تطبيل على القضية و ربنا اللى عالم بنواياهم
فلسطين مالهاش غير رب يحميها و يحمى اهلها

أحمد عبد القوي said...

إختيارك جميل جدا

إنها فعلا عزة ... رغم الأزمة

من لأطفال ونساء وشيوخ غزة ؟؟؟

ربنا معاهم ويارب إنتقم ممن يحاصرهم من اليهود أو العرب

ربنا ينصرنا

dalia said...

أبو على
دائما حاجز المقعد الاول دمت بخير فعلا الالم على الريات مرفوع كلماتك حلوه بس انا بختلف معاك لازم نفتح الجرح ونطهره ونساهم جميعا في حل الحصار بالدعم والقوافل والمطالبة بفتح المعابر باستمرار

dalia said...

لحظة تأمل
هل تسمعين النبضات مثلى انها ضعيفة ولكتها موجودة هذا معناه الامل الحلم بتحقيق النصر هذه النبضات في كل مكان وتحتاج لطبيب لزيادة سرعة النبضات حتى لا يتوقف القلب عن الحركه ، لا يجب ان تشاهد فقط علينا بدفع الاموال الى اتحاد الاطباء العرب وان نبادر بالذهاب بانفسنا في قوافل على فكره هناك قافلة لغزة غدا أمام نادي مجلس الدولة

dalia said...

شريف
كلماتك تدل على يأس كيف ننأيس واخواننا في غزة لم يصلوا الى هذه الصورة هل تعلم انا كنت في ندوة أمس عن رفع الحصار عن غزة تكلم فيها أحد المتحدثين قائلا رغم انقطاع الكهرباء لعدة اسابيع فلم تحدث حادثة سرقة واحدة ، وقارن بينها وبين الحادثة المعروفة حينما انقطعت الكهرباء عن نيويورك لمدة ساعتين فقط فقد سرقات ضخمة جدا وحوادث فظيعة اذن هم بخير ويرجون منا كل شيئ الا الصمت ارجوك لا تصمت ولا تضع التراب على رؤسنا

dalia said...

محاسن
نورتى مدونتى وحقيقة ازددت شرف بمعرفتك بس انا ليه بحس بلغة يأس في كلامك لا ارجوك عنوان موضوعى غزة نقطة عزة وبالصمود والمقاومة كل شيئ يمكن يتحقق قولى يارب وادع ليهم
شكرا على زيارتك لمدونتى مرة ثانية

dalia said...

مولان الشقية
اجمل حاجة في تعليقك دعائك لاهالى غزة بس لا تيأسى أرجوكى
دمت بخير

dalia said...

أنا حرة
ربنا يحمى فلسطين ويهدئ أجواء البغضاء والتفرقة بين فتح وحماس ن المشكلة حقيقى في الشعب العربي كله والذنب والتقصير كمان على الحكام العرب يعنى اعرف انك مثقفة وبتقرأى الجرايد شوفى الجامعة العربية عملت ايه ولا حاجه دعت فقط لارسال القوافل زيها زي الحركات الشعبية طيب ايه الفرق بين السلطة والحركة الشعبية؟ ولا حاجة مفيش حتى عبارة تهديد واحدة واحنا عندنا في مصر بنمنع قوافل مناصرة غزة حسبى الله ونعم الوكيل

dalia said...

أحمد عبد القوى
انا سعيدة انك احذت باللك من العنوان لان ده كان هدفى من البداية عند كتابة البوست شكرا لك