Sunday, July 19, 2009

يا بخت من بكاني


"يا بخت من بكاني وبكا الناس علي ولا ضحكني وضحك الناس علي" مثل ذكرته اليوم لاحدي صديقاتي في الجرنال لاني كنت بنصحها ولكن النصح كان بعد يوم طويل مرهق فجاء النصح ثقيل حبتين مليئ بالعتاب ولكنه يحمل مع ثقله الحب في الله والرغبة في تغييرها الى الاحسن بس ياريت تفهمنى.



"تفس هذا المثل" انطبق علي بعد أن قام أحد اساتذتي بتعنيفي بشدة في احد الجرائد التى عملت بها زمااان لدرجة انه جعلني ابكي بكاء شديدا لم ينقطع طوال اليوم كرهت هذا الاستاذ في البداية بعد ان أكد لي جميع أصدقائ اننى لم اخطأ واعتبروها نوع من فض شحنة غضب اعترت هذا الاستاذ ولكنني الان اتصل به من الاحين للاخر لانني ادركت انه اراد ان يعلمنى شيئ قد بدا عند الاخرين تافها وعندى كبيرا.



"نصيحة مجرب" لو وجدت لديك رغبة في البكاء لا تستلق على السرير وتترك دموعك تسير في ظلمة الحجرة ابحث عن المصحف واقرأ بعض الايات ستجد طمأنينة في النفس ورقة في القلب وتدبر عجيب لايات القرآن لم تألفه من قبل وستجد ان حزنك مهما كان كبيرا فانه أصغر من عظمة القرآن .



"الفرق بين الفضفضة والفضيحة شعرة بسيطة فاء وضاض " وهذا يحتاج منا ان نقف ونتمهل الى من نفضفض ونخرج مشاعرنا حتى لا يستغل البعض ضعفنا وينقلب ضدنا.



"السفر تغيير في حد ذاته ولكنه قطعة من النار"هذا وصف أمي للسفر " كفايةاحساس الغربة يابنتي أما أنا فلي رأى تاني خااااااااااااالص بحبه ".


17 comments:

SHAPE YOUR LIFE (ABOALI) said...

جميل ما نثرتى يا داليا
ورائع لمن يعمل به
ومميز لمن ادركه
ويقين لمن اراد المعرفه
وحرية لمن اراد ان يذوق طعمها

تحياتى لك الراقيه دوما

شبــ اون لاين ـــاب said...

السلام عليكم ورحمة الله وبركاته

اولا ازيك ويا رب تكونى بخير

وبلاش تطولى علينا ولا علشان توحشينا

يعنى

هو مثل جامد وانا ان شاء الله

كاتب عن مثل شعبى بردو قريب هينزل

وطبعا لازم نختار حد نثق فيه جدا

علشان نفضفض ولو مش موجود الشخص

ده فا ربنا موجود وديما جمب عبده

فى رعايه الله

joker

احمد ارسلان said...

وقفات جميلة..تحياتي لك

Yasmine said...

هو المثل دا ورايا ورايا :D
بس انتى معاكى حق فى كلامك..ما بحبش الناس اللى بتستنى تسمع من صحابها الكلام اللى هى عايزة تسمعه..و ما بحبش الصحاب اللى يقولوا الكلام دا كنوع من انواع الاستسهال..

وايه لزمة الفضفضة اصلا؟ هو القران زى ما قلتى و كل حاجة بتبقى كويسة..ما حدش بيخاف على حد قد مفسه ولا حد بيقدر حجم المشكلة الا صاحبها

ترجعى بالسلامة ان شاء الله :)

مـحـمـد مـفـيـد said...

احياناً تأتي لنا رسائل لم نفهما الا بعد فتره
بس المهم بعد فهمها ان نعيها جيداً

الازهرى said...

رائع آخر الكلمات
فالفرق بين الفضفضة والفضيحة بسيط
ولكن الكثيرين لاينتبهون اليه ولا استثنى نفسى منهم

اما السفر فلا أحبه مثلك ولكننى أعشقه جدا جدا جدا

تحياتى دوما

الازهرى said...

بالمناسبة
القادم فى ذكرياتك سيكون من أجلك

Anonymous said...

يارب,ربنا يسعدك يارب,ويريح بالك يارب ,يارب,يارب

EMMY BABY said...

داليااااااا

فعلا والله دى حقيقة بس انا بفكر يا داليا ليه ميكنشى النصح برفق يوصل اللى هو عايزه بدون ما يبكى اللى قدامه

طبعا انا مبكلمشى على نفسى لان انا حتى لو حد كلمنى براحة هعيط بس مش زعل منه زعل من نفسى انى غلط

بالنسبة للنصيحة بجد والله العظيم جزاكى الله خيرا
الا بذكر الله تطمئن القلوب

بالنسبة للفضفضة والفضيحة عجبنى جدا التشبيه لان فعلا فى ناس بتفضفض عن اللى جواه لاى حد وبالتالى ممكن يكون سبب لفضيحة ليها بعد كدة

تحياتى

ايمى

dr.lecter said...

ارجعي بالسلامه

Anonymous said...

"الفرق بين الفضفضة والفضيحة شعرة بسيطة فاء وضاض " وهذا يحتاج منا ان نقف ونتمهل الى من نفضفض ونخرج مشاعرنا حتى لا يستغل البعض ضعفنا وينقلب ضدنا.


بعد الكلام ده مش عارفه بجد اقولك ايه !!

المهم ان انتي بخير :)
وياريت متغيبيش اوي كده

dina said...

جميلة يا داليا مواقفك...و جميل اننا نقدر نبص لكل حاجة بعين تانية كدا..و نلتمس للناس الاعذار و نتفهم رغبتهم فى انهم يعلمونا حاجة حتى لو بكونا و بكوا الناس علينا
بوست رائع يا دوللى
تحياتى

Kiara said...

والله معاكي حق يادودو

SHAPE YOUR LIFE (ABOALI) said...

يا ستى كفاية دموع بقى
اكلت بصل لما تعميت

ها وبعدين

كريم بهي said...

مش عارف انتى نسيتننى ولا ايه
عموما ازيك عاملة
اتمنى تكونى بخير


ابقى ادخلى هنا على الموقع الثقافي
هتلاقى قصيدتى
سُكر فوق جثة الشمس
حاليا قصيدة " سُكر فوق جثة الشمس
موجودة على الموقع الثقافى الذي يفعله شخصيا الاستاذ الدكتور الشاعر الكبير / أمجد ريان

سأنتظر ارائكم على القصيدة

تحياتى

عنوان الموقع
ـــــــــــــــــــــ
www.almawkea.net

كريم بهي

لحظة تأمل said...

داليا وحشتينى جداااا

المثل صح جدا وهى يمكن متفهمش دلوقتى بس اكيد هتفهم بعدين
لان هى دى الصداقة الحقيقية

احب السفر جدااا واراه ليس فقط تغيير ولكنه اكثر من ذلك بكثير

دمتى بكل الخير

dalia said...

أبو على
شكرا لك هذا بعض مما عندكم يا فنان
تحياتي الراقية لك دائما

شباب أون لاين
أهلا يا جوكر ازيك شكرا لك على اهتمامك ومتابعتك الواحد مقصر معاكم والله بس ان شاء الله حفوق من شغل التنسيق واكون معاكم أول بأول
تحياتي

أحمد رسلان
شكرا على مرورك ودائما منور مدونتي تحياتي لك

ياسمين الجميلة
انت الوحيدة اللى بتفهميني يا بنتي ياريت كل الناس تكون بالعقل ده طبعا القرآن خير وسيلة والله خير حافظ وهو أرحم الراحمين
شكرا لك على متابعتك

محمد مفيد
أهلا بك دوما منور مدونتي تحياتي لفهمك العميق

الازهرى

ايك فينك معلش كالعادة مقصرة معاك بس متبعاك صدقني ربنا يوفقك
شكرا لك

سمامصر

شكرا لك منوراني بجد

ايمي
ازيك ياقمر وحشاني ،اتمنى ان تكون في أسعد حال يسعدني دوما متابعتك لمدونتي طبعا متخيلاكي وانت بتعيطي لانك من النوع الرقيق قوي بس لازم الواحد يعرف يفرق بين الشخص اللي بيحبه واللى بيكره وبعد كده يحكم
تحياتي

dr.lecter
أهلا بك دوما انا رجعت الحمد لله بس الشغل ورايا ورايا والسفر كان شغل برده يعني الواحد حاسس ان الشغل ده مثل الطوق عمال بيضيق لغاية ما خنقني نعمل ايه النجاح عايز كده

هاااااجر زعبل

ازيك يا جميلة وحشاني جدااا سامحيني ربنا يعلم بحالي اكيد انتي عارفه قصدي كويس الصحافة ديه مهنة شااااااقة ربنا يقدرنا على تحملها

دينا
أهلا بيك يا قمر شكرا على رفع المعنويات يسعدني دوما تواجدك في مدونتي سامحيني مقصرة معاك
تحياتي الراقية

كيارااااا ازيك
وحشااااني جدا بصى يا منى انت لازم تدعيلي علشان اخرج من حالة العمل الزيادة على اللزوم علشان على الاقل اتفرغ لقراءة كتابتك
سلام

أبو على
كلاكيت تاني مرة مادام كلت بصل يبقى اكيد حتبقى حاسس بيه:)


كريم الصديق
انساك ده كلام مش معقول انت عارف الشغل والسفر والمهنة فعلا عايزه الواحد ميعملش حاجه غير العمل وينسى العلاقات الاجتماعية وحتى الاسرية تخيل ده
تحياتي على فكرة انا شوفت القصيدة وعجباني جدا وسبف انني شوفتها وعلقتلك عليها كمان بس انت ناسي
سلام كبير وفي تقدم دائما

لحظة تأمل

وحشاني جداا والله بسعد جدا بتعليقاتك واجمل حاجةانك بتشتركي معايا في حب السفر
سلام كبيررر