Friday, December 5, 2008

يا حلو يا أسمر


لا أعلم ثمة جاذبية شديدة تشدنى إليه

أشعر كأننا صديقان منذ زمن ، يعجبنى فيه صفاء روحه وهدوء أعصابه أحب سكونه وأعشق تحركاته،لا أدرى كيف ينظر الى الناس وأنا أحدق النظر إليه عند اللقاء ولا كيف يتكلمون علينا عندما اتتبعك بنظراتى عند الفراق


كل اللحظات الحلوة كنت أنت أحد أسبابها وكل أوقات التعاسه كنت أنت العضد الذى استند عليه والحضن الذى احتمي فيه


حينما أكون بجوارك أشعر أننى في جنة من السعادة في عالم آخر غير العالم ، حينئذا يتساوى الظلام والنور الهدوء والضوضاء السماء والارض القمر والنجوم ،كلامك قبل أن يخرج من فمك يصل الى قلبى قبل أذني فتطاير معه النسمات وتغرد على ألحانه الطيور وتتراقص بسببه خيوط المطر في جنون


يا "نيل" كم تمنيت أن أكون بجانبك اتنفس عبير نسماتك الطاهرة واستمع الى صوتك العذب وهو يلحن ألحان الاشتياق ويغني أغاني العشاق


هل تتذكر حينما قصصت عليك قصص الحب والسكن ؟وعندما تبدل الحال وتحول الحب الى تعاسة فخلعت قلبى ورميته أمانه بين يديك فحفظت العهد وجددت الشجن بالامل


هل تتذكر وقت التعب والاثقال؟ التى كانت في قدمي من هموم الحياة فأحييت ثقتى في نفسي وعززت الحلم فتحول الى واقع يحسدنى عليه الغير كأنه لم يكن بغير ثمن


آه يا "نيل" هناك المزيد من الأماني لم تتحقق فأنا انسان وبدون الخير لا اتردد أو ارضى، كن معي واحفظ أسرارى بعيدا عن عيون الناس فانت ذو قلب واسع ولا أرضى بغيرك حافظ للاسرار






23 comments:

Kiara said...

اكنك وصفتي احساسي مع النيل

متتخيليش بعشقه اد ايه

لحظة تأمل said...

داليا

كلماتك رائعة بل اكثر من كلمات انه احساسك به

اود ان اعرف ما سر هذا النيل العظيم
فهو ساكن ولكنه يقول الكثير
اعشقه وانا ايضا تتحول احزانى معه الى امل جديد عندما انظر اليه واحكى معه

فانا معك اناديه ..اعشقك

تحياتى

mahasen saber said...

كل عيد وانتى بالف خير وسلام
واسرتك وكل من تحبين بكل صحه وستر

والنيل بئه كل عيد وهو نضيف ومليان فلوكات وصفحته شايفه ضحك الناس وفرحتها

كل سنه وانتى بالف خير يا داليا

Anonymous said...

انا كمان بعشق منظر النيل اوووووووووي خصوصا لما تكون حته فيها شجر كتير ونيل

كوووووووووووووووول سنه وانتي طيبه ويارب يكون عيد سعيد عليكي ياااااااارب

♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒
▒♥▒▒♥kol Sana w antom Tayebeeeeeen♥▒▒♥▒▒♥▒▒♥▒▒
♥▒▒♥▒▒♥عـــــيــــد سـعـــيــــد ♥▒▒♥▒▒♥▒▒♥▒▒♥▒▒♥
▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥▒▒♥

SHAPE YOUR LIFE (ABOALI) said...

هههههههههههههه
يا عينى يا داليا على الروقان
ثلاثة يريحن البصر
الماء والخضرة والوجة الحسن
مع صفحات الماء وذبذبات وسكنات الموجات
تجد نفسك تنساب مثل الماء تحكى وتروى
فعلا الحياه تحتاج الى الاصدقاء الاوفياء
نتكلم اليهم ونشعر انهم نحن
واصبح النيل احد هولاء
ياااااااااااا بختة
ههههههههههه
عيد سعيد يا جميل

شبــ اون لاين ـــاب said...

كل سنه وانتى طيبه
ويا رب تحققى كل اللى بتحلمى بيه

عيد سعيد عليكى وعلى كل المسلمين

فى رعايه الله

joker

Ahmed Al-Sabbagh said...

كل سنة وانتم والاسرة بخير

شهرزاد said...

ما اجمل البوح بأجمل الإحساس لمن نحب
تلك هي أجمل لحظات الحياة
ففي زحام الأحداث وتعاقبها
كم نحتاج إلى لحظات من الخلوة مع النفس
وتأمل جمال الطبيعة وسحرها

لحظات رائعة رسمتها اناملك الرقيقة

تحيتي لك
وكل عام وانت بخير

RaRa said...

كل سنة وانتى طيبة
عيد سعيد

حلوة الدنيا said...

كل عام وأنت والأسرة والأمة الأسلامية بخير

كريم بهي said...

كل سنة وانتى طيبة داليا
ايه اخبارك
وعيد سعيد عليكى يارب

وانا موجود والله واللينك بتاعى زى ما هو متغيرش .... بس هى الدنيا كدا تلاهى وسواهى وحاجات كثير
المهم انك بخير وقوة وانف صحفية قوية

اتمنى لك النجاح والتوفيق
ودوام صداقتنا

كريم بهي

أكون أو لا أكون said...

كل سنه وانت بخير... وجميع من يعز عليكم...
عـــيـــد ســعيـــد

Unknown said...

عيد سعيد
وكل عيد اضحى وانت بخير
وان شاء الله العام القادم على عرفات متجمعين
عيد سعيد يارب العالمين

tarek alghnam said...

وامرت بذبحك يا ولدى فانظر فى الامر وعقباه ؟؟؟

ويجيب العبد بلا فزع افعل ما تؤمر ابتاه من يعصى لله امرا من يعصى يوما مولاه

واستن الوالد سكين واستسلم ابنا لقضاه

وتهز الكون ضراعات ودعاء يقبله الله تتوسل للملأ الاعلى ارض وسماء ومياه

ويقول الحق ورحمته سبقت فى خير عطاياه صدقت الرؤيا لاتحزن يا ابراهيم يا ابرهيم فديناه .....كل ثانيه كل دقيقه كل ساعه كل يوم كل اسبوع كل شهر كل سنه وانتم طيبين وعيد سعيد

Anonymous said...

ميرسي يا داليا علي تعليقك وتشجيعك ليا بجد فرحتيني اوي وياريت يا داليا نكون علي اتصال دائم
دا ايميلي لو تحبي ضيفيني
hager_za3bal@yahoo.com
ونفس الايميل هوتميل

تحياتي

م/ الحسيني لزومي said...

تقبل الله منا ومنكم
وكل عام وانتم بخير

اقصوصه said...

كل عام وانتم بخير

Yasmine said...

ياه فكرتينى بكلام شبهه كنت كاتباه..بس عن البحر
النيل دلوقتى حالته تصعب على الكافر..ما بقيتش احب اشوفه الصبح عشان قلبى بيوجعنى عليه و على اللى اهل بلده عاملينه فيه ما يمنعش ان اكتر وقت بلاقى نفسي فيه و انا بتمشى بالعربية على كوبرى قصر النيل

Fatma said...

النيل ...ذكاء بيعدي على كم غباء رهيب
من المنبع حتى المصب

مسكين النيل والله

كل سنة وانتي طيبة

أحمد عبد القوي said...

أسلوبك رائع وجميل جدا , جعلنى أقرأ البوست من أول حرف إلى أخر حرف

بجد ملكاتك جامدة ... إختيارك للكلمات أكثر من رائع

احب هذا النوع من الأسلوب جدا ... لإنى أفتقد هذا الأسلوب فأحب أن أقرأ له

حفظك الله لنا وللنيل

أحمد عبد القوي said...

أسلوبك رائع وجميل جدا , جعلنى أقرأ البوست من أول حرف إلى أخر حرف

بجد ملكاتك جامدة ... إختيارك للكلمات أكثر من رائع

احب هذا النوع من الأسلوب جدا ... لإنى أفتقد هذا الأسلوب فأحب أن أقرأ له

حفظك الله لنا وللنيل

dalia said...

مولان
طبعا لازم تعشقى النيل لانك طفلة في داخلك وكل الاطفال بتحب النيل والكارتون

لحظة تأمل
كنت متأكده انى حلاقى تعليقك هنا لانك تنظرين الى النيل باحساسك ومشاعرك المرهفة
دمت بالف خير

محاسن
شكرا على التهنئة الرقيقة انا فعلا بضايق من الناس اللى مش مقدرة نعمة النيل وبتعلم اولادها لما ترمى اى قمامه بتقول لهم ارموه في النيل حاجه تضايق صح

هاجر الجميلة
طبعا فروحك جميلة ولذلك تحبين النيل
شكرا على التهنئة

أبو على
كلماتك حلوه يا فنان فعلا انا بشعر مع النيل كأنه صديق وصديق حميم كمان وبعدين انا فعلا بحب الخضرة والنيل والوجه البشوش الضاحك لان ممكن يكون في وجه جميل ولكن عبوس وهذا لا يجعله مريح من وجهة نظرى
دمت بالخير

جوكر شباب اون لاين
شكرا جزيلا على التهنئة الرقيقية

خالوو الصباغ
اخيرا نورت مدونتى كم انا محظوظة

شهرزاد الرقيقة
كم احب تعليقاتك اشعر وكانها قريبة من قلبى اعلم انك بتفهمينى بالكلمات فجمال الطبيعة وسحرها اجمل ما في الكون

رارا
وانت طيبة يا قمر سعدت بوجودك هنا معى يا رب تكونى بصحة وسلام

جعلونى مريض نفسى
وانت بخير شكرا على الزيارة الاولى ويارب متكونش الاخيرة

كريم بهى

ازيك يا راجل بقالي كتير مش لقياك حاجه عجيبة كل ما احاول احفظ مدونتك في البلوج ليست اجد علامة خطأ حمراء مش عارفه ليه عندك تفسير ؟ لو حد عنده تفسير يقولى من المدونين

اكون ولا اكون
وانت بخير وسعادة

نهر الحب

دعوة جميلة شكرا

طارق
شكرا على الكلمات الرقيقة

هاجر
ده شرف لي يا قمر انا ضفتك على الهوتميل

د. الحسينى
شكرا على التهنئة

اقصوصة
شكرا يا قمر

انا حرة

تصدقى انى لما اكون جنب النيل لا يمكن اركب ابدا مواصلات بحب امشى بمحاذاته واطيل النظر اليه كانى مش شايفه العالم حواليا بس للاسف زى ما انت قولتى النيل اصبح يصعب على الكافر

فنون

احنا اللى مساكين لاننا مش شايفين اهمية النيل بالنسبة لنا لولا نعمة ربنا كنا مثلا زي الصومال في مجاعة على طول

أحمد عبد القوى
شكرا على كلمات التشجيع والتحفيز والحمد لله انى عملت حاجه كويسه ليك

صوت من مصر said...

بجد كلامك هايل توظيفك للكلام فى محله ؟