Thursday, April 22, 2010

إعادة شحن

كلمة إعادة شحن من الكلمات المناسبة لحالتي جدا، بعد زهق وكسل وتحمل أعباء العمل على شوية بؤس، ينتابني الان لحظات إعادة ملء البطارية
،
ربما يكون هذا بسبب شيئ ما سيحدث في المستقبل، واثقة من نتائجه، أمضي خطى نحو الفوز به، أتحسس بوادره، أتنفس رائتحة النفاذة التى تطل علي من بعيد

، تقترب... وتقترب... هذه هي روح التفاؤل التى تسرى الان في كل ذرة بجسدي، ومع كل مجهود في العمل أشعر به يتبخر كعطر الياسمين مع البنفسج من حولي، حتما سيأتي هذا اليوم .


بالمناسبة أرسلت لي دعاء عبد الله رسالة حول رحلتى الى لندن، عبارة عن فيلم تسجيلي عني وعن رحلتنا الى لندن يمكنكم مشاهدة الفيديو،ونفسى أسمع كل ، ملاحظاتكم، وأعتذر عن انشغالي عنكم خلال الفترة الماضية سامحوني

7 comments:

SHAPE YOUR LIFE (ABOALI) said...

ترن ترن داليااااااااااااااااا
لقد تم اعادة شحن رصيدكم
واسفون على الازعاج
ترن ترن

dalia said...

أهلا بالصديق الوفي
شكرا على سؤالك، ومفيش أى ازعاج، معلش مقصرة في زيارة مدونتك والتعليق كمان
تحياتي يا أبو علي

وجيه said...

من نجاح إلى نجاح ياداليا، بالتوفيييييييق

عاوز اصحي said...

هو الموضوع كان عن التنوع فقط؟
بس فيديو لذيذ ...انتوا كنتوا خايفين كدا ليه وانتوا بتعملوا الانترفيو ..كان في واحده معاكوا تحسي انها كانت بترتعش وهي بتتكلم

والمغاربه كانوا عاملين ايه هناك؟

بالمناسبه اشمعنى مصورين واحده بتتطمن علي اهلها؟
ههههههه .... عاوزين تحسسونا انكو كنتوا في غربه

الي الامام دائما

dr.lecter said...

عودا احمد

هو انتم كده يابتوع الشروق تغيبوا تغيبوا وترجعوا مره واحده هلكانين

نورتي مدونتك وطال غيابك وحمد لله علي السلامه

مـحـمـد مـفـيـد said...

اختي وصديقتي المميزه
اعتذر لتقصيري
فربما ابحث عن الشاحن المناسب لمئ بطاريتي
تأكدي
انها لحكمه يعلمها الله عز وجل ان تأتيكي هذه الرسائل في هذا التوقيت بالذات
فعليكي التمسك بها وفهمها جيداً
:)
كبفك ؟

dalia said...

وجيه
شكرا جزيلااااااا ولك مثله

==================
عاوز أصحى
لم نكن خايفين ولا حاجه، آه صفاء زملاتنا كانت بتتصل بأهلها باستمرار أنا كنت مقاضياها ميسجات
المغاربة دول عرب زينا بس كانوا أكبر مننا بكتير، شكرا لك

=======================

ليكترا
الله يسلمك، بس تصدق ساعات بيكون الزهق لذيذ، يعني العمل مرة بيكون متعب ومرة تانية بيكون حلو لما بنعمل حاجه كويسه ونرى نتائجها ده أحلى حاجه، وبعدين انت مفيش مرة تقولي رأيك ايه في شغلي في الشروق بما انك بتابع الجرنال ولا شكلك مش بتقرأ لي أصلا
تحياتي

+++++++++++++++++++++++

محمد مفيد الاخ
أخيرا لقيت حد مقصر زيي، ولا يهمك أنا كمان مقصره أنا الحمد لله كويسه بعمل اللى ربنا يقدرني عليه وبتعب وبعمل حتى أني بنام زي القتيله
تحياتي هو انت بطلت الاعمال التطوعية ولا أيه