Sunday, August 17, 2008

ناس فاضيه

اليوم الواحد لازم يخرج عن مجال المدونة المتخصص في التعليم لاني بجد مضيقه ومحتاجه افضفض ممكن
ساعات الواحد لما يكون فاضي فعلا بيعمل قاضي يعني يفضل يجيب سيرة الناس ويقعد يقطع في فروة البني ادمين ومش كده وبس ولكن
يقوم بتقيم تصرفات الناس من وجهة نظره القاصره ، طبعا ولا يعمل حساب هل هذا الكلام ممكن يزعل أو يضايق الشخص الاخر ولا لأ؟ طيب أنا اتعرضت لموقف سخيف جدا اليوم لأني بهتم بمظهري شويتين وبحاول أكون مسلمة منفتحة محترمة بحجابي بس تلاقي الناس زمايلك في الشغل يعملوا نفسهم فاهمين الحاجة وهي طايره وتعليقات غريبة ونظرات خبيثه وتفسيرات عجيبة ويقعدوا دودودودو يا حديث يا ريت الناس تنظر لحالها وتنتقد نفسها الاول لأنني أؤمن بمقولة الجاحظ قالها في كتاب البخلاء تقول " إذا أردت أن ترى العيوب جمة فتأمل عيابا
ده طبعا غير الاحاديث والايات القرآنية اللي أكدت على معنى نبذ النميمة بين الناس ،كتير لما بروح شغلي بقرأ لافته بتقول لا يدخل الجنه نمام وبعدها بيقشعر جلدي لان الواحد ساعات بيغلط وهذا عادة بسبب الفراغ وعدم استثمار الوقت يا رب الواحد يكفيه ويكفيكم شر النميمه"

7 comments:

عمرو عزت said...

ما تشغليش بالك يا داليا

وإنت إزيك في الدنيا ؟

dalia said...

مش ممكن عمرو عزت بنفسه ده تعليق بمليون جنيه أنا الحمد لله كويسه ومطحونة في الشغل ولكن أنت عارفني متعددة المواهب لدرجة تخليني اتواكب مع الطحن وانت ايه اخبارك مفيش جديد سمعت ان في مجموعة من البديل حتدخل ان شاء الله نقابه اتمني ان تكون منهم بس ابقى ادعيلنا

الربان said...

تحياتي

تماما كعنوان البوست الذي اختارتيه حضرتك.." ناس فاضية " .

الغيبة و النميمة من أسوء الاشياء..
وعقابها مشدد...لكننا نتناسي العقوبة
لانها ليست فورية.... و ننسي الحديث الشريف و معناه : انه لا يكب الناس علي وجوههم في النار من حصائد السنتهم...

ربنا يهدينا جميعا و يحفظ السنتنا
من تناول الاخرين ....و ان نعطر الفم
بذكر الله.


تحياتي و تقديري

شهرزاد said...

داليا
الذي ذكرتيه للأسف هو موضوع شائع في مجتمعنا للأسف وقد مسني كثيرا جدا وأثر في حياتي كثيرا..
مع أننا مسلمين لكن تجدي أن الإسلام في واد ونحن في واد آخر

هنيئا لك بحجابك والموت لهم بغيظهم

تحياتي

dalia said...

الربان
شكرا على اضافتك وزيارتك الاولى لمدونتي وبجد انا جربت الذكر وهو حاجة مهمة جدا وحاسيت بتغير كبير ربنا يثبتنا

dalia said...

شهرزاد
فعلا اجنا بحاجة لتطبيق عملي لتعاليم اسلامنا الاسلام ليس فقط شكل أو تعاليم جامدة ولكن بحسن الخلق وحفظ السنتنا من الغيبة والنميمة

Anonymous said...

مدونتك بجد جميلة :)


المشكلة..إن فعلا..غيرنا بيقع في العيب ده

وإحنا كمان

ساعات بكون متضايقة من نفسي قوي


ممكن تكوني موجودة في مكان..بتسمعي لناس بتشكي في ناس


أنا نفسي..أحيانا بشكي


وساعتها..أضطر أحكي وأحكي عن اللي حصل وحصل


وأرجع أندم..يا ترى جبت في سيرة الناس ؟!


أحيانا تانية..أشوف حاجة معينة..وأنقدها..في موضوع أو كدة..مش عارفة..بنقد تصرفات شخص معين أكون صادفته وكان غلط


اممم..عارفة..أنا بقيت بتلخبط


مش عارفة..يا ترى لو شكيت من تصرف فلان عمله معايا أبقى اغتبته مثلا؟


يا ترى لو نقدت حد


....


بس ده عادي..

وأقول..مهو الغير لما بيحس من وجهة نظره ان فيه غلط..


اممممممم

لا انا اتلخبطت صح

.........

المهم..كلنا خطائين احنا وغيرنا..

لما هقع تاني في العيب ده..هستغفر ربنا ومش هعود له تاني :)


محدش معصوم من الغلط صح :)



المهم..نحاول نصلح من نفسنا أكيد ومنقعش فيه :)



لخبطتك صح :) آسفة :)


لكن فعلا..مدونتك جميلة بجد :)



ربنا يوفقك :)


أختك..إيمان